www.miamin.barnaland.is

www.karenhelga.tk - myndasíðan

Hvað segiði svo, ekki allir með spænskuna á hreinu ? Hún rifjaðist í það minnsta ágætlega upp fyrir mér í þessar 2 vikur sem við vorum úti núna, ótrúlegar fyndnir spánverjarnir að vilja ekki tala ensku! Ég nenni nú samt ómögulega að skrifa alla ferðasöguna hérna inn, þeir sem vilja geta lesið hana hjá Emilíu á www.miamin.barnaland.is Ég kem bara með nokkrar myndir og hápunkta ferðarinnar, sem voru:

• Ferðin til Marokkó, þar sem ég fór á bak á úlfalda!
• Að sjá Bryngeir vinna danskeppni – eitthvað sem ég hélt að ég myndi aldrei sjá!
• Ferðin til Gíbraltar, hrikalega krúttlegt að klappa litlu öpunum og gefa þeim nammi
• Þegar ég lét Bryngeir og Gísla plata mig í tæki sem þeir sögðu að væri töfrateppið! Þar hélt ég að mín síðasta stund væri runnin upp!
• Að fara á ströndina í það miklum hita að maður sá varla neitt fyrir hitamistri!
• Mini-discoin sem hótelið var með fyrir krakkana.. þar lærði ég sko að dansa hehe!

Þetta var bara æðisleg ferð í alla staði, afríkuferðin er samt eflaust eitthvað sem ég gleymi aldrei, þvílík upplifun!

Við Bryngeir fyrir framan höll í Tetuan - Marokkó

Ég á úlfaldanum!

Fátæki borgarhlutinn í Tetuan

Gíbraltar - þessi var bara svalur og náði sér í ís!

Við Emilía í sólbaði í barnalauginni á hótelinu

Ein af fjölskyldunni

Núna síðustu vikur er svo ýmislegt búið að vera í gangi, við erum búin að fara í 2 útilegur, spilakvöld með Húsó - stelpunum, spilakvöld með Inga, Hulda, Jöru og Tryggva, Hvalaskoðun á Húsavík og eflaust eitthvað fleira sem ég get ómögulega munað! Myndir á www.karenhelga.tk !

Ein af mér og Paulie sem ég stal frá Sísí

Svo fer nú bara að líða að því að skólinn byrji aftur, ótrúlegt sem sumarið er búið að vera fljótt að líða! Ég er skráð í 21 einingu í fjarnámi þessa önnina, verð auðvitað að vinna í Húsasmiðjunni áfram og eitthvað á Kaffi Ak….

Jæja þetta er fínt í bili, sjáumst á Dalvík um helgina – ætla ekki allir á fiskidaginn annars ?

Karen Helga

Jæja, þá er víst komin tími að nýja færslu, hin orðin vel gömul og nóg búið að gerast síðan ég skrifaði síðast! Við erum búin að fara út í 2 vikur og koma heim aftur og vera hér í næstum 2 vikur Það var auðvitað bara æði úti, en ég nenni ómögulega að skrifa ferðasögu núna, er ekki með myndir eða neitt í þessari tölvu svo hún kemur bara næst
Við erum búin að vera ágætlega dugleg síðan við komum heim, þar sem við versluðum frekar mikið úti af fötum og fataskáparnir okkar voru troðnir fyrir fórum við í tiltekt, hreinsuðum út gömul föt af okkur 3 og hentum losuðum okkur við 2 ruslapoka!! Ótrúlegt hvað maður heldur lengi í gamalt dót sem maður kemur aldrei til með að nota.... Emilía tók mynd af mér og pabba sínum í tiltektinni :

Svo dembi ég mér bara beint í vinnu á mánudaginn og finnst ég vera búin að vera í vinnunni síðan þá! Ég er nú samt búin að "afreka" ýmislegt, t.d:
- Fara í ljós með Snædísi og sjá hana brenna. Í venjulegum ljósatíma NB!
- Sjá The break up - nokkuð góð.
- Þvoði 9 þvottavélar á 2 dögum! - pínu fullar ferðatöskurnar þegar við komum heim
- Bimminn seldur
- Átti stysta stopp aldarinnar þegar ég stoppaði í útskriftaveislu í heila mínútu!
- Fór í rafting á laugardaginn, þvílík snilld! Fór með vinnunni að grilla á Lambeyri og fórum svo í rafting 9 um kvöldið! Team Hamster fór alveg á kostum, fengum rosa "skemmtilegan" ástralskan gæd sem var aðallega í því að hrinda okkur Snæu, útúr
bátnum og fram af klettum og svona  Rosa skemmtileg ferð, svona þangað til að ég lenti í soginu og hélt að ég kæmist ekkert uppúr vatninu aftur, gleypti vel af Jökulsánni  Myndir úr ferðinni :

Ég frekar ánægð að vera á leiðinni í rafting!!

Engar smá gellur í göllunum!!
Svo eru restin af myndunum á www.karenhelga.tk

Kem með ferðasöguna fljótlega 

Góða kveldið, ætli maður verði ekki að skella inn einu bloggi áður en við förum út! Við Bryngeir erum bara á fullu að pakka núna, förum suður beint eftir vinnu á morgun og út á fimmtudaginn! Bara svona til að minna ykkur á það, þá verðum við hérna

Vikan er annars búin að vera góð… Ég var með stelpukvöld í síðustu viku, við horfðum auðvitað á Desperate housewifes og borðuðum allar yfir okkkur af hrikalega góðum mat Við Bryngeir hittum Inga og Huldu svo á föstudagskvöldið, kíktum í bæinn á amor og kaffi ak og var bara mjög fínt. Auðvitað pakkað í bænum af “utanbæjarliði” og slagsmálin efitr því hehe.. Er þetta ekki annars reglan, að kenna alltaf utanbæjarfólki um eitthvað vesen á Akureyri ? Anyways, þá vaknaði ég svona líka fersk á laugardaginn til að fara að vinna í Blómaval, vinnualkinn! Það var laaaangur dagur! Eftir vinnu leit ég við í stúdentsveislunni hjá Pálu minni, til hamingju aftur yndið mitt  Svo renndum við Hulda útí Ólafsfjörð á bekkjarmótið hjá köllunum okkar og það var bara hrikalega gaman! Góður matur, snilldar skemmtiatriði og Bryngeir og Ingi fóru á kostum í liðakeppnina, t.d. með “Litlu andarungarnir”, smokkum og buxnaþjófnaði… þetta endaði allt saman 3 um nóttina í pottinum heima hjá Tengdó Myndir af Bekkjarmótinu eru á www.karenhelga.tk , reyndar frekar fáar þar sem vélin varð batteríislaus svo snemma um kvöldið Á sunnudaginn fórum við svo í 2 útskriftarveislu, hjá Ólöfu frænku Bryngeirs og henni Sunnu minni Síðustu 2 daga höfum við svo tekið í að pakka, reyndi kíkti Helga aðeins á mig og Emilíu mína áðan og fékk mjög góða skoðunarferð um herbergið hennar Emilíu hehe Fann eina gamla og góða af okkur:

Verð svo að sýna ykkur hvað ég á fallega frænku, þetta er Meyah Lív litla mín í Svíþjóð

Þvílíkur engill! Alltof langt síðan ég hef hitt hana Svölu mína, ætli það verði ekki bara heimsótt hana og fjölskylduna í Svíþjóð næsta sumar  

Til hamingju ef þið nenntuð að lesa þetta allt, endilega kvittið elskurnar! Kveðja Karen Spánarfari!

En ætla samt að reyna að drita nokkrum línum hérna inn....

Fyrsta mál á dagskrá, nýjar myndir www.karenhelga.tk

Myndir síðan um hvítasunnuhelgina, nóg að gerast þá og auðvitað myndir eftir því!Við fjölskyldan fórum í fermingarveislu hjá Viktori á laugardeginum, alltaf gaman að hitta allt liðið Ég skellti mér svo í bæinn um kvöldið með Pálu, enduðum á kaffi Ak og vorum þar þangað til að það lokaði. Á sunnudeginum var svo partý hjá Þóru, svaka stuð á skvísunum Svo var það auðvitað Palli í Sjallanum, maður missir nú ekki af honum!

Annars var vikan frekar róleg, náði mér reyndar í einhverja ógeðis magapest, ekkert spes! Fór svo og horfði á 1. leikinn hjá ÍANN á fimmtudaginn, alveg að missa mig á hliðarlínunni Þeir unnu þetta nú kallarnir, glæsilegt hjá þeim Við Bryngeir fórum svo í gærkvöldi útá Hrísar þar sem ma & pa voru með bústað en ekki að nota hann! Við fórum í heita pottinn  og Bryngeir var búin að redda hvítvíni og jarðaberjum, þannig að þetta var ekkert smá kósí

En við erum svo að fara að renna út í fjörð núna svo ég segi þetta bara gott í bili, bið að heilsa ykkur elskurnar, hafið það gott í sólinni

Karen hressa

Úff það er orðið langt síðan síðast, eins og Snædís benti á á ég víst ekki lengur eitt próf eftir heldur er ég búin  En ég nenni engan veginn að rekja það í smáatriðum fyrir ykkur hvað er búið að vera í gangi, svo við punktum bara

• Stelpukvöld með Desperate housewifes og nóg af mat!
• Sunnudagsrúntur með Helgu og Heiðrúnu
• Mission Impossible í bíó, nokkuð góð
• Vinna vinna vinna- alltaf stuð í Húsasmiðjunni
• Júróvision party hjá Inga og Huldu, hellingur af mat þar líka
• Hitti Sunnu mina í gott spjall…
• Fullt af sundferðum og ísrúntum, enda stefndi allt í að það væri komið sumar hérna hjá okkur!!
• Helgarferð á Selfoss til Ástu minnar og Chris
• Heimsókn í sveitina til Stínu
• Ferð í fjörðinn góða…
• Fékk loksins allar einkunnirnar mínar og er heví sátt
• Er aftur á móti ekki sátt við veðrið, whadda er í gangi hérna ??! Maður alveg búin að setja sig í sumargírinn en þá haglar bara á mann!

   

Stefnan er víst tekin á djamm núna á miðvikudaginn, voða sprell í vinnunni… Og svo verð ég bara að fara í bíó á Da Vinci code, bókin var svo hrikalega góð að mig virkilega hlakkar til að fara á þessa mynd… En jæja, þetta hlýtur að vera nóg í bili, ætla að skella mér í sófann til “gamla” kallsins míns

Hafið það gott elskurnar mínar

Og búið að ganga vonum framar Þessi próf eru samt búin að ganga fáránlega vel miðað við hvað ég bjó mig undir, vissi alveg að það yrði ekki létt að vinna samhliða fullum skóla og hélt að það myndi alveg sýna sig þegar kæmi að prófum... en ég er allaveganna ekki fallin í neinu ennþá Er ekkert smá ánægð með hvað kennararnir eru snöggir að þessu, strax búin að fá 2 einkunnir!

Ég er semsagt að fara í síðasta prófið mitt á morgun og hrikalega verður gott þegar þetta er búið!! Er farin að hlakka svo geggjað til sumarsins og ekki beint létt að sitja inni og lesa þegar það er svona gott veður eins og er búið að vera um helgina... Enda stalst ég tvisvar í sund Er svo búin að vera þvílíkt niðursokkin í dagdrauma hérna um sumarið, fara að fá mér ís í góðu veðri, tjill í kjarna, sumarbústaðarferð, útilegur, göngutúr í bæinn og bara að vera í fríi!

Ég er komin þangað í huganum......

Veriði svo dugleg að kommenta elskurnar

Kv. Karen í sumarfíling

Jæja, ákvað að skella inn einni færslu í tilefni að því að ég er byrjuð í prófum. Hver kannast ekki við gleðina sem fylgir prófatíð, svefnleysi, stress, lítið borðað að hrökkva upp um miðjar nætur og “ó mæ god ég gleymdi að lesa um þetta!!”. Einstök gleði og ánægju yfir þessu hjá mér, sérstaklega þar sem prófin hafa aldrei verið jafn þétt hjá mér! Skilaði lokaverkerfni í próflausa áfanganum, Ens 503 á mánudaginn, fór í 1. prófið í dag og er á hverjum degi fram á miðvikudag í næstu viku! Prófið í dag gekk nú samt þónokkuð vel, vissi ekki alveg við hverju var að búast... Sjáum samt til hvort ég verði svona hress á morgun, þá erum við að tala um sögu 303, menningar og hugmyndasaga sem ég tók víst í vali!! Wtf ??! En æji, ég hugga mig við það að þetta er alveg að verða búið og ég að komast í sumarfrí!! Bara frá skólanum reyndar, verð að vinna alveg fram í júní en þá er það líka Costa del sol

Annars held ég að það sé frekar lítið að frétta, við Bryngeir héldum reyndar afmælisveislu fyrir prinsessuna okkar síðustu helgi, litla snúlla orðin 3. ára Og það komu btw ekki nema 40 manns svo það þurfti aðeins að baka og græja heima! Þetta var samt rosalega gaman, hægt að sjá allt á www.miamin.barnaland.is !

Ég vildi bara kasta á ykkur smá kveðju, læta líklegast ekki heyra aftur í mér fyrr en eftir próf. Hafið það gott elskurnar mínar, og ég vona innilega ykkar vegna að þið séuð ekki í prófum!!

Kv. Bókanördið

Loksins loksins loksins kemur bloggið! Ég þurfti bara að kíkja á síðustu færslu til að sjá hvað væri búið að gerast, orðið svolítið langt síðan það kom eitthvað hérna inn! Ástæðan er nokkuð einföld, ég er að drukkna úr verkefnum í skólanum og það eru NB ekki nema 3 vikur í próf! Síðasti mánuður hefur farið í vinnu 8-6 og kvöldin (næturnar) í að sitja fyrir framan tölvuna og hespa af þessi verkefni. Og þar sem mér fannst frekar ólíklegt að nokkur nennti að lesa um afdrif Lady Macbeth þá geymdi ég bara að skrifa hérna inn þangað til það væri aðeins farið að hægjast um...

En já, við fórum suður í endann á mars og það var auðvitað rosa fínt, vorum hjá Ásgeiri og Öggu á nesinu í góðu yfirlæti Fórum í alveg slatta af heimsóknum, út að borða, versluðum, fórum í húsdýragarðinn og fleira skemmtilegt... Hittum Ástu og Chris og er stefnan tekin á Selfoss til þeirra í maí Gísli litli bróðir átti afmæli um síðustu helgi, gæjinn orðinn 15 ára, til hamingju með það Gilli minn! Lillý var svo hjá okkur í gistingu og hún og Emilía voru alveg frábærar saman

Annars á ég rosalega erfitt með að muna hvað er búið að vera í gangi hjá okkur, gullfiskaminnið sjáiði til... En við fórum á Litlu Hryllingsbúðina í gærkvöldi ( ég man það þó ) og þvílíka snilldin... Hafði líka séð uppfærsluna með Þórunni Lár og vissi ekki alveg við hverju var að búast, en þetta voru sko engin vonbrigði, alveg rosalega skemmtileg sýning Svo styttist óðum í páskaeggjadaginn og ég auðvitað búin að tryggja mér eitt stykki... Sem verður þó ekki borðað fyrr en á sunnudaginn, þar sem það páskadagur!! Sumir hafa verið eitthvað að svindla og opna páskaeggin sín, nefni engin nöfn en veit um einn sem er búin að renna niður 6 stykkjum!! Planið er samt bara að liggja uppi í sófa og hafa það gott þessa frídaga, helst að gera sem minnst Samt alveg spurning um djammið á sunnudaginn, er það Í svörtum fötum ? Síðasta ball með þeim hérna var bara snilld, svo það er spurning um að skella sér

Jæja ætla að segja þetta gott í bili, farin upp í sófa að horfa á Sex & the city

Mía mín og ég við Árbæjarlaugina

Bestu mín :*

Gleðilega páska öll sömul

Karen Helga

Jæja þá er vikan búin svo ætli það sé ekki komin tími á blogg

Búið að vera nóg að gera as usual, stór hluti af síðustu viku fór auðvitað í að læra enda kemur ekki annað til greina þegar það er svona mikill skóli... Hitti hana Sonju mína á þri og tókum gott spjall, allt of langt síðan við höfðum hist! Ingi og Hulda komu svo í mat á mið í alveg geggjað svín! Sem að Bryngeir eldaði, best að taka það fram Tókum svo fimmtudaginn í að græja aðeins heima, margir smáhlutir sem hafa setið á hakanum of lengi sem við vorum að klára 

Á laugardaginn var það svo Ungfrú norðurland, auðvitað mætti familían að styðja Pálu beibí! Vorum mætt niður í Sjalla rétt fyrir 8, vorum með besta borðið í húsinu hehe Maturinn var bara góður, mér fannst það allaveganna... held reyndar að Hulda hafi verið ósammála mér þar sem ég borðaði líka forréttinn hennar.. Já, átvaglið ég! Svo var bara keppnin sjálf, allt rosa flott; tískusýning, bikiníatriði og kjólarnir.. Og auðvitað bar Pála mín af  Selma Ósk var krýnd Ungfrú norðurland og átti hún það fyllilega skilið, ótrúlega glæsileg stelpa.. Hildur Hauks var í 2. sæti og Lísbet í 3. sæti, til hamingju með það aftur Lísbet Og svo bættu dómararnir við 4. sætinu fyrir Paulie svo hún er á leiðinni í ungfrú Ísland, verður gaman að fylgjast með því! Til hamingju Pála mín, þú stóðst þig svo vel og ég er óendanlega stolt af þér! Við vorum svo komin út úr Sjallanum um hálf 2 og þá var komið þetta skítaveður, ekki alveg í samræmi við blíðuna sem hefur verið undanfarið...! Sáum að allt var að vera vitlaust í bænum svo við drifum okkur bara hjem að kúra 

Vaknaði svo í gær með þetta góða kvef (má etv. Rekja til þess að ég var berleggjuð á laugardagskvöldið...), ógeðslega stífluð og með heddeik frá helvíti! Og líðanin er ekkert mikið betri núna.. Spurning hvort ég er að fá þessa alræmdu flensu.... Kemur í ljós! Mynd síðan á laugardagskvöldið, tekin af sjallinn.is

Mínar myndir eru síðan á www.karenhelga.tk - nenni ekki að reyna að setja þær hérna inn þar sem það fer bara í e-ð rugl! Stefnan hjá litlu fjölskyldunni minni er svo tekin suður núna á fimmtudag, aðeins að skipta um umhverfi og gera e-ð skemmtilegt

Hæhæ, þá er helgin að baki og næstum komin ný ! Tíminn er að líða ekkert smá fljótur að líða þessa dagana, kannski afþví að það er svo mikið að gera
Misjöfn síðasta helgi, eins og flestir á Akureyri vita núna þá var banaslys á laugardagsmorgun, jafnaldri minn lést í bílslysi.. Hann var alltof ungur, átti lífið framundan og ég held að það verði að líta á svona slys sem víti til varnaðar: tökum ábyrgð í umferðinni! Ég vil líka votta öllum aðstandendum og vinum Sesars alla mína samúð...

En til að slá á aðeins léttari strengi.. þá var Góugleði Húsasmiðjunnar á laugardagskvöldið, fordrykkur + matur á Vélsmiðjunni og ógleymanleg skemmtiatriði!! Baddi og Skúli í eróbikki og Til hamingju Ísland í flutningi Sigmunds... gerist það mikið betra ? Eftir hóflega drykkju á Vélsmiðjunni héldum við áfram í bæinn og enduðum í Sjallanum á Í svörtum fötum, og ég hef ekki skemmt mér svona vel á balli í langan tíma! Þeir voru bara geggjað skemmtilegir + að það voru næstum allir þarna Vð komumst svo heim eitthvað um 5, það er svona þegar Bryngeir drekkur ekki þá lendir hann/við oft í að keyra ööörfáum heim Sunnudagurinn fór svo mestu leyti í hangs, kláraði reyndar nokkur verkefni úr skólanum þar sem þau voru farin að hrannast upp Vikan er búin að vera ekkert smá fljót að líða, ég fór í sund með dúlluna mína á þriðjudaginn þar sem Bryngeir er alltaf að vinna til 10 á þriðjudögum þá höfðum við það bara kósí saman Fékk samt panikk móment á þriðjudagskvöldið; Emilía var sofnuð og ég frammi að læra, ætli það hafi ekki verið eitthvað um 9 leytið... Heyrði alltí einu eins og eitthvað hefði dottið og smá þrusk, en hélt að þetta væri bara á efri hæðinni.. Samt pínu skrýtin tilfinning yfir mér, þegar
allt í einu kemur aftan að mér feitasti köttur sem ég hef séð! Þá hafði kattarkvikindið stokkið inn um eldhúsgluggann og var bara á vappi um íbúðina ég var ekki sátt...
Ennnn, svo er árshátíð Símans næstu helgi og kallinn ætlar víst að bjóða mér með.. góður, hah Fljúgum suður á lau og heim aftur í hádeginu á sun.. Svo er stefnan tekin á Kardimommubæinn í Freyvangi á sunnudeginu, fara að sjá Sörensen rakara

Nokkrar myndir af helginni....

Ég, Snædís og Sandra á barnum....

Siddi og Birkir

Sandra og Öddi að fara á kostum... appelsínuleikurinn

Svo eru allar myndirnar á www.karenhelga.tk !

Góðan daginn allt morgunhressa fólk.. Ég veit að ég er lélegur bloggari, en ég er hætt að afsaka það! Ég blogga bara þegar ég blogga Aðalástæðan fyrir bloggleysi er að ég er svo hrikalega andlaus, nokkrum sinnum búin að setjast fyrir framan tölvuna, en bara allt tómt

Ég er samt búin að finna afmælisgjöfina til Bryngeirs sem er kannski ágætt þar sem hann átti afmæli síðasta laugardag Fór með Emilíu í bæinn og hún valdi gjöfina til pabba síns alveg sjálf! Valdi bílabrók, bindi og fór svo í Ice in a bucket og keypti fjólubláan loðramma og tók það skýrt fram að það ætti að vera mynd af sér í honum, bara sætust Áttum alveg rosalega góðan dag bara afslöppun með fjölskyldunni og út að borða um kvöldið, rosalega þægilegt að gera Ekki Neitt Svo er djamm um helgina, 1. skipti á þessu ári!! Sé ykkur hress Ætla að segja þetta gott læt fylgja smá upplýsingar um mig

Ég hef:

(x) reykt sígarettu – Á maður ekki að vera hreinskilin ?
( ) klesst bíl vinar/vinkonu – Heh nei, bara foreldra minna...
( ) stolið bíl (foreldranna)– Ég vissi alveg að ég mátti fá hann
(x) verið ástfangin
( ) verið rekin/n
( ) lent í slagsmálum – Hversu margir giskuðu á að ég hefði slegist oftar en einu sinni?
(x) læðst út meðan þú bjóst ennþá heima hjá foreldrunum – Gerðu það ekki allir.. var allaveganna vinsælt á Húsó
( ) haft tilfinningar til einhvers sem endurgalt þær ekki
( ) verið handtekin/n – Nei, góða stelpan!!
( ) farið á blint stefnumót
(x) logið að vini/vinkonu
(x) skrópað í skólanum
(x) horft á einhvern deyja – Á sjúkrahúsi úti á Spáni.. vona ða ég veikist aldrei þar!
( ) farið til Canada
( ) farið til Mexico
(x) ferðast í flugvél
( ) kveikt í þér viljandi – Whaaaat ?
(x) borðað sushi – Fyrir tilstuðlan Japanska herbergisfélagans míns... aldrei aftur!!
( ) farið á sjóskíði
(x) farið á skíði (sem sagt í snjó) – Maður var nú ansi góður á yngri árum
( ) hitt einhvern sem þú kynntist á internetinu – Nei... er ekki orðin svo tæknivædd!
(x) farið á tónleika
(x) tekið verkjalyf – Heh, held ég hafi innbyrt meira af verkjalyfjum á 2 vikum eftir hálskirtlatökuna heldur en á allri ævi minni!
(x) elskar einhvern eða saknar einhvers akkurat núna
(x) legið á bakinu úti og horft á skýin
(x) búið til snjóengil
(x) haldið kaffiboð
(x) flogið flugdreka – bara gaman...
(x) byggt sandkastala
(x) hoppað í pollum
(x) farið í "tískuleik" (dress up) – Uppáhaldleikurinn okkar Pálu í gammel daga
( ) hoppað í laufblaðahrúgu
(x) rennt þér á sleða
(x) svindlað í leik – Leik, spilum... allt til að vinna
(x) verið einmana
(x) sofnað í vinnunni/skólanum – Hmm hljómar ekki vel að segja þetta, en ég dottaði einu sinni á Hótel Norðurlandi, það var ekki hræða í húsinu!
(x) notað falsað skilríki - Hahaha
(x) horft á sólarlagið
( ) fundið jarðskjálfta – Finn aldrei fyrir þessu!
( ) sofið undir berum himni
(x) verið kitluð/kitlaður – Allt of oft, mig kitlar svo hrikalega að ég get ekkert gert...
( ) verið rænd/rændur
(x) verið misskilin/n
(x) klappað hreindýri/geit/kengúru
(x) farið yfir á rauðu ljósi/virt stöðvunaskyldu að vettugi
() verið rekin/n eða vísað úr skóla
(x) lent í bílslysi – 2 á einni viku....
( ) verið með spangir/góm
( ) liðið eins og þú passaðir ekki inn í/þriðja hjól undir vagni
( ) borðað líter af ís á einu kvöldi - jakk
(x) fengið deja vu
(x) dansað í tunglskininu
(x) fundist þú líta vel út
(x) verið vitni að glæp – hehehe ójá!
( ) fundist eins og það sé logið að þér á hverjum einasta degi!
(x) verið svikin
( ) efast um að hjartað segði þér rétt til – Ég treysti mínu hjarta
( ) verið gagntekin/n af post-it miðum (þið vitið - þessum gulu) – Why ?
( ) leikið þér berfætt/ur í drullunni
(x) verið týnd/ur – ætlaði að stytta mér leið gegnum úthverfi í Barcelona til að komast í skólann... mesti panikk klukkutími ævi minnar!
(x) synt í sjónum
(x) fundist þú vera að deyja – Botnlangabólga...
( ) grátið þig í svefn
(x) farið í löggu og bófa leik
(x) litað nýlega með vaxlitum – Vax og tré meira að segja, Emilíu finnst ekki leiðinlegt að lita
( ) sungið í karaókí – Aldrei skal ég gera það
( ) borgað fyrir máltíð eingöngu með smápeningum
(x) gert eitthvað sem þú lofaðir sjálfri/sjálfum þér að gera ekki
(x) hringt símahrekk
(x) hlegið þannig að gosið frussaðist út um nefið á þér - ojjj
(x) stungið út tungunni til að ná snjókorni
( ) dansað í rigningunni
(x) skrifað bréf til jólasveinsins
( ) verið kysst/ur undir mistilteini
(x) horft á sólarupprásina með einhverjum sem þér þykir vænt um
(x) blásið sápukúlur
( ) kveikt bál á ströndinni
( ) komið óboðin/n í partý
( ) verið beðin/n um að yfirgefa partýið sem þú komst óboðin/n í
(x) farið á rúlluskauta/línuskauta
(x) hefur einhver óska þinna ræst
( ) farið í fallhlífastökk
( ) hefur einhver haldið óvænt boð fyrir þig

Veriði nú dugleg að kvitta svo ég nenni þessu

Dauði og djöfull! Alveg er þetta týpískt, 1. laugardagurinn í ég veit ekki hvað langan tíma sem ég MÁ og GET sofið út en nei! Ég er búin að liggja inni í rúmi í klukkutíma að bylta mér og reyna að sofna aftur, bara get ekki sofið! Þetta er sko agalega pirrandi.. Sérstaklega þar sem hinn helmingurinn vaknar líklegast ekki fyrr en um 2, og þá þarf að draga hann framúr! Oh well, þá geri ég bara eitthvað uppbyggilegt í staðinn, nóg er allaveganna að læra...!

Ingi og Hulda komu í Idol og Domino´s í gærkvöldi og ég var sátt við manneskjuna sem fór í 1. skipti í langan tíma, hef aldrei fílað þessa Elfu! Reyndar finnst mér finnst mér frekar sorglegt að Eiríkur sé ennþá með í þessari keppni, miðað við þá sem hafa verið sendir heim! En það sýnir okkur hve margir búa á austurlandi Annars er aðeins betra sjónvarpsefni núna á eftir, Manchester - Liverpool.. við ætlum ekki að tapa þessu!! Kem með yfirlýsingar eftir leikinn

Ég bíð samt spennt eftir morgundeginum... þessi dagur gleymdist hjá sumum í fyrra, þannig að þessi dagur hefur aldrei verið neitt spes hjá mér! En aldrei að vita, sjáum til eftir morgundaginn!

En jæja, ég ætla að fara að læra, læt ykkur vita hvernig þetta verður

P.s. Hvað gefur maður kærastanum sínum í 22 ára afmælisgjöf...?

Jæja það er víst búið að klukka mig á fleiri en einu bloggi, svo að hér kemur það:

4 störf sem ég hef unnið um ævina:

1. Leiðbeinandi á Bestabæ – leikskólinn á Húsavík 2 sumur

2. Gæd á Minjasafninu á Ak

3. Lobbíisti á Hótel Kea

4. Ritari á lögmannstofu – sumardjobb auðvitað

4 bíómyndir sem ég gæti horft á aftur og aftur:

1. The Devil´s advocate

2. Lion King & Aladin – tónlistin frá Disney er best… og húmorinn!!

3. Dirty dancing

4. Forrest Gump 

4 bækur sem ég les oft: 

1. Þar sem Djöflaeyjan rís

2. Bækurnar um Harry Potter

3. Bylting Bítlanna

4. Svo getur maður alltof dottið inní bækurnar hans Arnalds Indriða!

4 staðir sem ég hef búið á:

1. Reykjavík
2. Kaupmannahöfn, meðan pabbi var að læra..

3. Akureyri (Nokkrir staðir þar, en er núna komin á stað sem ég ætla að vera á J)
4. Húsavík (NB að á 6 árum á Húsavík bjó ég ekki í nema 5 húsum…)

4 sjónvarpsþættir sem mér líkar:

1. Sex & the city
2. Friends
3. E.R.
4. House

4 síður sem ég skoða daglega fyrir utan blogg:

1. Heimabankinn – ég er alltaf að bíða eftir að einhver leggi inn á mig millur
2. Síðan hjá Míu litlu mús )
3. Mbl.is – maður verður víst að fylgjast með fréttum!
4. Radioblogclub – tónlist er alltaf góð!

4 staðir sem ég hef heimsótt í fríum:

1. Rimini á Ítalíu
2. Marmaris, Tyrkland
3. Barcelona
4. Feneyjar

4 matarkyns sem ég held uppá:

1. Humarsúpa a la pabbi
2. Fajitas
3. Sveppasteik á Greifanum
4. Kjúklingaréttinn minn

4 staðir sem ég vildi heldur vera á núna:

1. Heima að kúra með ástinni minni.. það er svo gott!
2. Vera komin til Spánar, hiti…
3. Í Reykjavík, alltof mikið af fólki þar sem ég hef ekki hitt lengi!
4. Heima að læra (samviskan að segja til sín )

4 bloggarar sem ég klukka:

Paula frænka

Helga Hrönn

Anna Mín

Heiðdís í UK 

Koma svo fólk!

Þá er það komið á hreint, Costa Del Sol here I come Ójá, í júní verð ég flatmagandi á sólarströnd með Bryngeir og Emilíu J Förum á alveg agalega flott hótel, sem á víst að vera barnvænt líka Tívolí, ströndin, vatnsleikjagarður, MolliN og svo er toppurinn auðvitað ferð til Afríku… ég er alveg sokkin niður í dagdraumana hérna!

Já mig er sko farið að hlakka til…..

Þessi tilhugsun heldur allaveganna á manni hita í þessum skítakulda!! J

Adios